京都站周邊覓食!大滿足 × 超方便美食4選!

去得日本多,係咪開始諗唔到去食咩好呢?難得嚟到京都,今次就帶大家去食啲特別啲嘅,仲要係勁近京都站,咁就算行完街勁攰,都唔使行太遠就有好野食,係咪好介紹先!

1. 龍馬 軍鶏農場
1龍馬軍鶏農場
講到食雞,可能第一時間就會諗到炸雞,不過話明帶大家食好野又點會係炸雞咁大路!今次呢間「龍馬」可以食到日本幕府末期坂本龍馬最愛嘅軍雞菜式!必試嘅有半生不熟嘅火炙雞肉拼盤「軍鶏たたき一石二鳥盛り」、用咗近江軍雞炮製嘅「軍鶏鍋」同中間會爆漿嘅玉子燒「岡崎おうはん」,如果你個肚仲有空間,店內仲有多款超美味雞料理,不妨叫埋炭火燒雞同火炙鰹魚,包你食到舔舔脷!

2龍馬軍鶏農場
雞肉可以生食,雞隻一定要夠新鮮同乾淨。想食到軍雞最根本嘅味道的話就一定係非呢道火炙雞肉拼盤「軍鶏たたき一石二鳥盛り」莫屬!拼盤有雞脾肉同雞胸肉兩個唔同部位,用火輕輕炙過,外面好甘香,雞脾肉脂肪少夠咬口,雞胸肉相對地較腍身,唔講都唔知自己食緊雞!

3龍馬軍鶏農場
相傳近江時件中龍馬喺被偷襲前曾經命令手下幫佢買軍雞鍋,但因為被暗殺無緣食最後一啖。呢度嘅軍雞鍋用咗近江產嘅軍雞製作,呢種雞最大嘅特點係因為活動空間大,有足夠運動量所以脂肪少肉質彈牙,一食就食得出同其他雞種嘅質感好唔一樣!

4龍馬軍鶏農場
呢個爆漿雞蛋唔可以唔試!一夾開中間嘅蛋漿即刻流哂出嚟,用雞蛋點返啲蛋漿嚟食,一啖接一啖咁食好快就食哂成份!不過要有定心理準備,大部份喺日本食到嘅蛋料理都係甜嘅,呢個亦唔例外。

5龍馬軍鶏農場
店內座位足夠容納50人,仲有個室可以揀,坐得幾舒服。

龍馬 軍鶏農場 京都駅前店
地址:京都府京都市下京区不明門通七条下ル東塩小路町736-2 京都ファーストビル1〜3F
電話:050-7521-5737
營業時間:星期一至四、星期日及公眾假期 16:00~01:00;星期五六及公眾假期前夕 16:00~03:00
休息:無
官網:龍馬 軍鶏農場


平價東京酒店10間最佳推介由HK$274起

特價東京機票由HK$1,342起(連稅)


2. はしたて
6はしたて
位於京都站SUVACO JR京都伊勢丹3樓嘅呢間「HASHITATE」係一間提供傳統和食嘅食店,以提供丼飯、麵食、鍋物為主,食材會隨住唔同季節而改變。唔好以為傳統和食就一定貴,呢度最人氣嘅「鯛の胡麻味噌」都只係¥1,674,味道仲非常講究同正宗!

7はしたて
呢個就係店內超人氣嘅「鯛の胡麻味噌」,食嘅時候可以裝壺入湯汁倒入飯度變成茶漬飯。

8はしたて
除咗鯛次外,呢度唔同季節仲會食到唔同嘅魚類,好似呢個「炙り鱧丼」,就係用咗京都名物「鱧魚」去炮製,經過火炙之後魚嘅油香更加明顯!

9はしたて
成個Set唔係淨係得碗飯,仲有湯同伴菜,味道好有家庭feel。

はしたて
地址:京都府京都市下京区烏丸通塩小路下る東塩小路町901 ジェイアール京都伊勢丹 ール京都伊勢丹 3F
電話:075-343-4440
營業時間:11:00~22:00
休息:不定休
官網:はしたて Wakuden


3. 栄寿庵
10栄寿庵
如果想美食靚景兩者兼備,唔使諗,一定係呢間位於京都站The Cube 11樓嘅「栄寿庵」!呢度係西京漬料理專門店,聽落好似好高級,但介紹得大家嚟,價錢當然唔會太貴!Lunch一個set大概¥2,000左右,可以揀魚、雞、豬嘅味噌漬,隨餐仲有白飯、3道伴菜、味噌湯,勁抵食!

11栄寿庵
跟餐有豬、雞、魚3種食材揀,但識食就緊係揀魚啦!單單係魚,呢度都有三文魚、馬鮫、
赤魚、鯛魚同金目五款選擇,雖然都係用同樣嘅味噌醃製,但味道同質感都微妙地唔一樣,如果有朋友同行,不妨交換比較吓~

12栄寿庵
雖然係用味噌醃製,但由於味噌選用味道偏甜嘅白味噌,所以魚肉唔會太咸,最抵讚嘅係肉質仲keep好幼滑同仲保留到魚嘅絲絲香甜!咪睇舊魚咁細舊,絕對夠你送哂成碗飯食有餘!(唔夠飯的話可以加¥200追加!)

13栄寿庵
成個set有伴菜又有湯好豐富!如果想將魚肉嘅香味完全迫出嚟,可以將魚肉放喺熱辣辣嘅香飯上面再一啖放哂入口,試完一啖包你瞬間知道「人間美味」嘅真正意義!

14栄寿庵
由於位處11樓,坐窗邊的話景色一覽無遺,日頭同夜晚都非常靚,望住個咁靚嘅景食飯心情都會好自然咁平靜落嚟。

京料理 栄寿庵 京都駅店
地址:京都市下京区烏丸通塩小路下ル東塩小路町901番地 京都駅ビル専門店街The CUBE 11階グルメ街
電話:075-343-8108
營業時間:11:00~22:00
休息:無
官網:京料理 栄寿庵 Kyoto Hatoya


4. 鶏三和
15雞三和
如果你同小編一樣係蛋痴,見到雞蛋就會全無抵抗力的話,位於京都伊勢丹地庫2樓「雞三和」嘅親子丼一定係你杯茶!呢度嘅雞肉用咗被稱為日本三大地雞嘅「名古屋コーチン」炮製,肉質鱗嫩彈牙,加埋濃郁超滑蛋同粒粒都圓潤飽滿嘅香軟白飯,三者簡直就係完美嘅配搭!

16雞三和2
見到個飯就已經流哂口水啦!啲雞肉畀半熟嘅雞蛋包到實一實,吸盡蛋汁,有點會有理由唔好食!

17雞三和3
真係唔講得笑,啲蛋滑到幾乎無法用筷子夾起,超級好味!

鶏三和 JR京都伊勢丹
地址:京都府京都市下京区烏丸通塩小路下ル東塩小路町ジェイアール京都伊勢丹 地下2階
電話:075-352-6599
營業時間:10:00~19:30
休息:不定休
官網:鶏三和 Sanwa


係咪間間都想去試吓呢?不過一日又點會試得哂,加上京都有咁多野睇咁多野玩,唔住返晚真係會趕到甩碌!

如果大家想住一晚但又未有心水酒店,不妨考慮下小編之前都住過嘅「RIHGA ROYAL HOTEL KYOTO」,近京都站夠哂方便,最重要係個價夠平民,你同我都afford到!詳細介紹可以參考之前嘅試住報告。

住得舒適歎得招積京都站旁新裝酒店試住報告

去得日本多,係咪開始諗唔到去食咩好呢?難得嚟到京都,今次就帶大家去食啲特別啲嘅,仲要係勁近京都站,咁就算行完街勁攰,都唔使行太遠就有好野食,係咪好介紹先!