返到香港第一日即試煮肉燥飯,為重現喺台灣食過嘅正宗肉燥飯味道,我再係相機睇多次導師煮飯時候嘅先後步驟,但係第一次錄影完後仍然覺得食落冇導師當時煮嘅味道,所以決定係第二次錄影前再買多次調味料。

第一次錄影時煮嘅「肉燥飯」

仲好記得喺導師屋企教整肉燥飯嘅時候幾特別,想令到學廚過程唔好太過單調,係開始前叫我坐低然後沖好壺茶,而茶底我揀飲烏龍茶,佢亦教我點樣品嚐茶嘅色、香、味,每次沖出黎嘅茶飲落都會有唔同味道,某程度上黎學廚兼且仲學到品茶。


平價台北酒店推介HK$361起! 還有更多的選擇請按

台北機票超低價推介HK$1,468起! 還有更多的選擇請按*連稅

+【香港出發】超低台北3日自由行機加酒HK$2,933.20起! (包括1間客房2位成人,2張機票, 稅項及附加費, HK$1,466.60一位起) 還有更多的選擇請按!


喺第二次錄影前,因為要煮返三道台灣菜,所以用料要比上次謹慎,唔想重現台灣菜時同實際有距離,所以買料時亦要跟足導師份食譜,再係相機重溫佢教嘅煮法同落料先後次序,終於,最後成功重現到喺台灣食過嘅正宗肉燥飯味道,有樣好重要嘅材料原來係「陳皮」。

呢個時候煮好飯,突然諗起台北個到嘅天氣比香港極端,例如打風落雨可以持續幾日時間,相對香港一日已經可以落埋颱風信號,所以導師有講過台灣菜好注重食用時間,台灣菜好多配料都係油炸,咁做可以延長配料嘅保存時間,而佢亦教我如果想留返肉燥汁可以直接留返起放雪櫃,等下次再煮就落返上次剩低嘅汁整熱佢就可以長時間保留肉燥汁,不過最好隔幾個星期再翻熱舊汁,唔係好易壞。

如果你對正宗肉燥飯有興趣,食譜同步驟如下。

南部肉燥飯:
二至三人份量
乾蔥 – 2粒 (切碎)
蒜 – 2-3粒 (切碎)
豉油 – 240 ml – 360 ml
米酒 – 2 湯匙
糖 – 2 湯匙
水 – 720 ml
八角/陳皮 – 1 – 2 塊
肉桂 – 1 – 2 塊
香菇 – 隨意

步驟:
先炒碎肉至變色,加蒜蓉同乾蔥再炒,然後落水、醬油、米酒,再加糖、陳皮、肉桂,煮多五至十分鐘左右就食得。不過要注意香港豉油可能太鹹,建議試味再調整好適當份量,味道覺得甘甜就可以。

喺學呢三道菜,我最鍾意係肉燥飯,因為方便煮,如果你都有興趣不妨係家中試煮,好簡單就體驗到正宗嘅台灣肉燥飯。

Expedia+ 預訂酒店或機票可獲會員積分及享有專屬優惠價格。 免費加入!