By Andy Wong, on 23 7 月, 2015

曼谷購物攻略

如果要你選一個最好買的旅遊城市，你會選哪一個呢？要筆者揀一個的話，一定是「泰好買」啦！泰國消費指數低，而且化妝品、零食、生活雜貨等物品既多種類，又好食，重點是夠平，真係點買都重會有Budget，你話去泰國點可以不帶一個夠裝30KG戰利品的行李箱呢？筆者今期就先為你介紹曼谷購物攻略，等你去到曼谷大買特買，買夠半年的份量番香港！

+提早預訂行程至曼谷 *機票+2晚酒店連稅只需$1275起

零食篇

去到泰國，可以不買衫、不買鞋，不過就不可以不買零食！要數曼谷零食的大本營，就一定是BIG C超市，一個超市有齊你所有想要的零食、日用品，而且價錢比Tesco Lotus, 7-Eleven或其他零食店便宜，記得帶個大背包加大環保袋掃番香港呀！

曼谷BIG C 超市：

BIG C Supercenter Rajdamri (BTS鐵路: Chit Lom 奇隆站9號出口)

BIG C Extra Onnuch (BTS鐵路: On Nut 安努站1號出口)

BIG C Extra (MRT 鐵路: Thailand Cultural Centre 泰國文化中心站4號出口)

Expedia 為您推介曼谷五大必買零食

MAMA 公仔麵

MAMA是泰國公仔麵的代表，口味眾多，最有名的莫過於連香港人都愛的冬蔭公湯底系列，除了公仔麵之外，重有粉絲系列，一樣咁好味，買十包八包番香港是基本吧！

百力滋

如果是百力滋的粉絲去到曼谷就要小心啦，因為你會見到好多種在香港無見過的口味，Pocky和Pertz分別負責甜、咸，泰國限定口味有香蕉、冬蔭公、辣肉碎味等，一定要試盡佢！

老大哥花生

花生卜卜脆，泰國的老大哥花生就是最好的例子。有椰漿、雞汁、咖啡、鮮蝦、芥末等多種口味，酥脆的外表配上卜卜脆的花生，一路食一路睇電視，真係諗起都爽呀。

大片紫菜

香港紫菜、韓國紫菜、日本紫菜都要被比下去了，因為泰國的大大片紫菜才是最好味的，除左你熟悉的小老板之外，小浣熊還有其他品牌都有出產脆過薯片的紫菜，而且有好多口味，記得買啦！

泰國皇家牛奶片

這款零食是泰王親自下令皇家牧場生產的牛奶片，是泰國人由細食到大的營養補給品加零食，有牛奶味和朱古力味，味道香濃，大人小朋友都岩，見到記得要放入購物籃呀！

化妝護膚品篇

泰國一年365 日都熱辣辣，同香港的夏天有異曲同工之妙，所以泰國的保濕產品都幾適合香港女生，除了日韓化妝護膚品之外，你有多一個選擇啦！去曼谷自由行的話，記得要試下，在便利店, Big C, Terminal 21 等地方都能找到以下介紹的產品。

Expedia 為您推介曼谷五大必買化妝護膚品

POND’S 防曬粉

控油又雙重UV防曬，POND’S防曬粉絕對是你在泰國必買的 NO.1，全身都用得，幫女士們在夏日也能保持乾爽，而且味道清香，粉質細膩，一支只需要THB25左右，在7-Eleven和超市都買到，真係起碼掃一打做手信呀！

BEAUTY BUFFET 牛奶系列

BEAUTY BUFFET 以護膚品為主，包裝走可愛路線，其中最有名的就是Milk Plus系列，Whitening Body Lotion是大熱產品，用後皮膚會像浸了牛奶一樣滋潤，大概THB200-300，在BIG C超市就有設立專櫃，揀零食的時候順便揀埋啦！

Maybelline BB Stick

因為一年四季都很熱，所以泰國有很多強力控油的化妝品，而Maybelline BB Stick，唇膏形狀，方便使用，控油力強，適合遮瑕，而且是泰國限定，在藥妝店就可以搵到，一定要買黎試下。

Pico 睡眠面膜

以保濕出名的Pico睡眠面膜，針對泰國乾燥的天氣和亞洲人的膚質，為女士們的皮膚做好保濕，睡前搽一層薄的，第二天起床時肌膚就會變得水潤。

ELE 睡眠面膜

與Pico 不同，ELE睡眠面膜主攻皮膚的深層清潔，使用後有助減少面上的黑色素，平日經常夜訓的女士們就要試一試啦，在BIG C Supercenter Rajdamri店就有得買！

生活雜貨篇

泰國實在泰好買了，再多用一千字都不能完全為大家介紹一定要買的物品，在生活雜貨篇，筆者會再為大家推薦幾樣必買的雜貨，一於睇完就飛一轉泰國，徹底敗下家！

Expedia 為您推介曼谷五大必買生活雜貨

Soffell 蚊怕水

香港好多蚊，去到泰國就一定要買佢地最強的蚊怕水Soffell，細細支，方便隨身攜帶，筆者親身試過好有效，訓覺前也可以在房入邊噴少少，一支THB50左右，在7-Eleven 就可以搵到，去到曼谷一定要買啦！

泰國皇家牌蜂蜜

同皇家牛奶片一樣，皇家牌蜂蜜是由政府做監控的，所以品質有保證，而且蜂蜜較白糖健康，買一支放係屋企唔錯架，在7-Eleven和Big C都可以買到，一支約THB30，無理由唔買！

手標茶葉

凍檸茶你應該飲得多，泰國地道的 THAI TEA 你又飲過未？在曼谷的餐廳應該不難飲到THAI TEA，有熱有凍，是一杯帶有小小泰式辣醬味的橙色飲品。你番到屋企都想飲的話，筆者推薦你買包手標牌茶葉，係屋企慢慢沖！有包裝、罐裝，價錢大約THB25-100，抵玩呀！

蛇牌爽身粉

香港人對蛇牌爽身粉應該不陌生，其實它是泰國名牌，對於濕熱的香港天氣來說，是一樣必須品。重點是在泰國買十分便宜，大罐只需 THB90左右，細罐就THB40，真係好難忍手唔買架！

特價曼谷機票推介

曼谷酒店優惠

+曼谷自由行優惠

曼谷購物攻略