當初Expedia 搵我覺得好突然,因為冇諗住有人會支持我去其他地方學廚,亦因為呢次旅程,我由玩嘅心態去到認真學煮廚,個日收到短訊問我想去日本定係台灣,我怕去日本溝通唔到,所以就揀近嘅台灣去六日旅行學菜。

可能真係第一次仲要自己去旅行嘅關係,到步第一日先發覺原來張數據卡唔附SIMS卡針,搞到要去當地電話鋪先換到張卡,好彩係Expedia 個Booking 上面有寫酒店地址,就算冇上網都可以搭的士直接去。

到步第二日我已經被人呃,事發係佢地行過黎講自己係學生,參加緊比賽想你買佢啲自己設計嘅產品,但其實一望落去就知唔會係佢地設計嘅貨,係拎對膠筷子出黎賣,事後我上網查返係台灣有好多呢種騙案,所以各位旅客要自己小心,就係咁我用500蚊台幣買個教訓,特別係呢種時候仲要去緊旅行,好容易動用同情心誤幫一啲唔值得嘅人。

不過享受完人生嘅一課之後,終於到學廚嘅日子,就係第三日我同當地教咗廿年菜嘅老師學煮台灣菜,分別學係香港都成日食到嘅「肉燥飯」、地道「蚵仔煎」、出名嘅「鹽酥雞」,呢位老師真係教得唔錯,返到香港我有嘗試煮返呢三樣菜,最好食都係覺得「肉燥飯」,夠哂簡單容易整,好岩整多少少留返聽朝做早餐或者帶返工食都一流。


平價台北酒店推介HK$353! 還有更多的選擇請按

台北機票超低價推介HK$1,412起! 還有更多的選擇請按*連稅

+【香港出發】超低台北3日夜自由行機加酒HK$2,848.48起! (包括1間客房2位成人,2張機票, 稅項及附加費, HK$1,424.24一位起) 還有更多的選擇請按!


係台灣我有位中學同學留係台灣打電競,所以我問佢台灣有邊到睇景靚,佢推薦我去「內湖碧山巖」,可以睇哂成個台北市夜景,我嘅感想係真係幾靚,上到去仲可以影低啲靚景方便我放落段片到,除此之外個到仲可以行吊橋、食飯、享受大自然,最重要個到野食質素幾好,係上落來回要花啲時間行同等車。


呢篇就係我去六日台灣學廚嘅所見所聞,撇除自己蠢咗嘅經歷,其實成個旅程都好完滿,享受自己一個人去旅行真係會充滿好新奇嘅事物,會好勇敢去挑戰好多嘅第一次,一個人旅行同其他人去旅行嘅分別就係少咗份幸福感,但多咗份刺激感,呢個就係我一個人去旅行嘅最大感受。

Expedia+ 預訂酒店或機票可獲會員積分及享有專屬優惠價格。 免費加入!