電視台瘋狂報導,想唔失控都難! 令紐約市民喺寒風中排隊4個鐘嘅奶昔咁巴閉?咁凍仲要飲凍嘢?

台灣嘅一間表面睇落係酒吧嘅餐廳,近排就引入咗呢隻魔性非常高嘅奶昔,電視台爭相報導,究竟係紐約無嘢好飲定係真係咁正?我哋就試咗喇!

Taipei_milkshake_001

「失控奶昔」主要以外型誇張同繽紛做賣點,有少女最鍾意粉色系列嘅「繽紛樂園」,係以士多啤梨奶做底、杯邊仲圍住花花棉花糖,再配多舊用糖打起嗰種棉花糖,飲得奶昔就係鍾意咁!

Taipei_milkshake_002

另一款都好受歡迎嘅香蕉朱古力味奶昔 -「惡魔森林」,杯邊圍住一堆M&M,再配埋個個都好鍾意嘅Oreo﹑brownie同埋朱古力餅乾,令人又愛又恨嘅口味,呢次真係肥過肥妹!之但係飲落其實比想像中無咁甜,放心試。

Taipei_milkshake_003

另一款就係同「惡魔森林」好大對比嘅「白雪公主」以蘋果牛奶做底,外型好色彩繽紛,杯邊圍住彩色波波,喺cream上面撤滿彩針﹑爆谷同埋餅乾,飲落好有水果的清香,呢款奶昔比上面兩款較甜啲㗎!

Taipei_milkshake_004

佢哋仲岩岩新推出咗「珍珠美人魚」奶昔,負責人同我哋講呀,呢款每日只賣20杯嘅咋!你都快啲約埋班fd去試齊佢喇!

其實「失控奶昔」喺每日特定時段先會供應㗎!睇埋時間表先好去呀↓↓↓↓↓↓

2口串酒
地址:台北市大安區信義路四段378巷11號
營業時間:星期一﹑三至日 下午 12:00 至凌晨 03:00,逢星期二休息
「失控奶昔」供應時間:下午 2:00 至晚上 9:00