極級享受!豪歎之旅!京都頂級酒店試住報告!

去旅行邊個唔想住得舒舒服服,如果你有budget使得起,介紹大家住吓呢間位於京都五条站附近嘅「Hotel Kanra Kyoto」,唔使行入房門,一出?就已經開始靚到嘩嘩聲!

京都頂級酒店試住報告
Hotel Kanra Kyoto喺2016年10月17日重新裝修,成間酒店感覺都好新淨,加上呢度走時尚和風,即係將傳統和式元素加入時尚設計之中,整體感覺極之雅緻大器,雖然呢度一晚真係唔平,但試住過之後小編覺得無論係舒適度、方便度、服務態度定係餐飲嘅美味道度都正到冇得彈!

京都頂級酒店試住報告
呢間酒店嘅地理位置都幾方便,由五条站行3分鐘倒就到,而京都站至五条站都只有一站之距,去邊都超方便!如果大家拎住個大行李箱好需要電梯,可以利用6號出口搭電梯上地面,如果冇大件行李的話就可以用最近酒店嘅8號出口。

京都頂級酒店試住報告
酒店嘅正門都幾唔起眼,望咗一輪仲懷疑緊呢個係咪側門。不過亦正正因為佢嘅唔起眼,呢度有種與世不爭嘅感覺,你有你大都市嘅精彩,佢有佢酒店嘅幽靜。

特價京都機票(HKG>KIX>HKG)由HK$1,721起(連稅)

+【香港出發】平價大阪3日自由行機加酒由HK$3,161起 (1間客房, 2位成人)

Expedia+ 預訂酒店或機票可獲會員積分及享有專屬優惠價格。 免費加入!

京都頂級酒店試住報告
喺呢度Check-in唔使企㗎,仲會有專人遞埋welcome drink畀你,飲住等,由check-in呢一刻起已經feel到自己已經進入relax mode。

酒店客房:
京都頂級酒店試住報告
攞咗鎖匙就返房喇!坦白講,職員遞條鎖匙畀我嘅時候係真心覺得呢度仲用鎖匙咁老土,人地其他新啲嘅酒店都轉哂用匙卡,但當去到房門口,終於理解到點解酒店仲堅持要用傳統嘅鎖匙。

京都頂級酒店試住報告
有冇見過酒店房竟然會有木閘!?仲要係間間房都各自有自己木閘,感覺好似一間間獨立嘅日式公寓咁,私隱度極高!

京都頂級酒店試住報告
室內冇太多華麗嘅裝修,但好多細節位都睇得出有精心設計過,令到成間房和式得嚟又覺得好user friendly,住得勁舒服!

京都頂級酒店試住報告
好似床邊呢個usb插頭,方便用嚟差手機,唔使再插轉插有隨時跌落扑親個頭嘅危機,仲可以邊差邊玩手機,對於臨瞓一定要碌吓個電話嘅小編嚟講真係極之方便貼心!

京都頂級酒店試住報告
到大家都好關心嘅浴室啦!個浴室真係大到冇朋友,分分鐘大過你同我間房,仲有兩個洗手盤,就算同朋友同一時間都唔使爭廁所,慳返好多時間!

京都頂級酒店試住報告
更誇張嘅係喺浴室入面除咗有淋浴設備仲有個king size大浴盤,個盤裝咗水真係會滲出淡淡嘅木香,浸住喺入面瞇埋眼勁舒服,舒服到一世都唔想走返出嚟!

京都頂級酒店試住報告
呢度嘅廁所係同浴室分開嘅,所以當你朋友浸緊浴嘅時候,你仍然可以好自在咁辦大事,爭取每分每秒。

餐飲美食:
京都頂級酒店試住報告
房間正到咁,小編喺夜晚就已經期待定第二日嘅早餐係咪都一樣咁正,果然冇令人失望!呢度嘅早餐唔係自助形式,只有和式同洋式畀你揀,既然嚟到京都,我地就當然係揀和式啦!

京都頂級酒店試住報告
個set一到嗰陣真係嚇一嚇,使唔使咁大份!

京都頂級酒店試住報告
連side dish數一數咸食有成九道之多,多到上面幅圖都已經出唔哂!雖然每樣都係得少少,但食完超級飽,臨尾仲會問你想要coffee or tea,有唔少住客都鍾意慢慢歎hea吓時間,都啱嘅,呢度環境又靜又舒服,如果唔係趕住去下個點採訪拍野,我都想慢慢坐多陣啊……

京都頂級酒店試住報告
酒店地庫仲有一間鐵板燒餐廳,點完菜大廚就會即席喺你面前烹調料理,如果check-in咗之後唔想再周圍走揾食,呢度啱哂啦!

價錢:
今次呢間酒店係有少少貴,一晚大概要港幣$1,500左右,但住過一次都會覺得呢個價住到呢種質素好值得,開講都有話人一世物一世,就算貴少少,點都要歎吓嘅!

京都頂級酒店試住報告
睇完咁長氣嘅介紹,大家有無少少心動呢?希望今次嘅試住報告對大家下次京都之旅有用,同埋最後想再次鳴謝Expedia嘅Sponsor,畀我地有個咁正嘅住宿體驗,多謝~(^Д^゚)ノ

京都甘樂酒店 Hotel Kanra Kyoto
地址:京都府京都市下京区烏丸通六条下る北町190
電話:075-344-3815
官網:京都甘樂酒店 (Hotel Kanra Kyoto)

Expedia+ 預訂酒店或機票可獲會員積分及享有專屬優惠價格。 免費加入!