Keio Plaza Hotel Tokyo

新宿 Keio Plaza Hotel Tokyo 京王廣場酒店》我住親新宿,多數貪方便住哥斯拉/APA歌舞伎町塔樓,但有幾個特定情況我愛住Keio Plaza Hotel Tokyo,(1)想坐利木津巴士Limousine往來機場(多行李唔想搬最爽),因為巴士去到酒店大門﹔


(2)住客可免費乘坐直接通東京迪士尼樂園﹔(3)參加了東京近郊,去富士山、摘生果、玩雪等…一日遊,因為集合地點通常可以在對面街,早上7點幾8點集合,咁近酒店先冇咁辛苦﹔(4)有泳池(六至九月開放)。而且Keio Plaza Hotel Tokyo酒店房間相對較大,有D新裝修房間仲幾正。

雖然冇歌舞伎町個區咁旺,但酒店位置都算便利,JR新宿站西口行5分鐘,而且相對較清靜舒服! 走過2、3條街,就有很多食店、酒吧、大型電器店、夾公仔店。

酒店房間,我覺得空間很充裕,感覺很舒服 (我入住的是Plaza Luxe,323呎,但Standard Twin/Double 已經有250呎大)。最衰冬天酒店泳池唔開,唔係一定游過暢快! 酒店餐廳亦很多,單單係早餐已經有不少選擇,明天再介紹個自助早餐。

APA Hotel Shinjuku Kabukicho Tower

住新宿多數揀歌舞伎町,都係一個理由,就係「不夜城」,無論幾夜/凌晨落街都咁熱鬧,最旺最核心的地點,就係歌斯拉酒店,又或者旁邊的APA(アパ)歌舞伎町塔樓酒店,(即係《瘦身男女》中肥佬(劉德華)街頭打拳賺錢俾Mini(鄭秀文) 減肥的地點) 。APA係連鎖商旅酒店,我地會讀A‧P‧A,日本人就會讀アパ (音﹕鴉爬) ,上到的士同司機講アパ 會清楚D,不過,APA太多間,單單係東京都內都有七十多間(集團仲會每個月會開多一間)。講返酒店,樓下Check-in後用自動機拿門卡,很方便。下面仲有間酒吧Asahi Beer Pub,酒店住客可以以290YEN (HK$20)飲啤酒、Highball、紅白酒一杯,叫幾多杯都得,坐在露天座看著Shinjuku VR ZONE,好爽!

房間方面,細就細D,不過都有張書檯,又有Free Wifi,俾我工作都幾方便(不過俾我發現樓下酒吧原來有免費高速Wifi,比房內的快十倍,樓去工作最爽) ! 仲有最正既頂樓「大浴場・露天風呂」(15:00 – 翌日11:00 住客免費使用),行完一整日回去浸下,減壓一流。

APA歌舞伎町塔樓酒店 アパホテル<新宿 歌舞伎町タワー
東京都新宿区歌舞伎町1丁目20-2

早晨喔! 其實在APA住的幾天,沒有特別訂包早餐的房間Package,因為想過返「鄰居」歌斯拉酒店食個豐富的自助早餐。但今天早上落去APA的餐廳,付費試下個酒店自助早餐(2000YEN),雖然選擇不太多,但感覺都唔錯,我最欣賞個炒滑蛋!



Hyatt Centric Ginza Tokyo

東京銀座凱悅尚萃酒店

比較少住銀座區,今次特別向Expedia 要求試住Hyatt Centric Ginza Tokyo,因為酒店有型,夠大,黃金地段(就建築在LV、Rolex旁邊),一間在銀座並木通上的一棟 12 層的這新酒店,離銀座車站只需步行 3 分鐘。Hyatt品牌中的Hyatt Centric全球已經有18間,上年終於選址銀座成為亞洲首間Centric。這個品牌以生活品味、當地文化、現代型格藝術氣質融合。策劃自新一代日本空間設計大師赤尾洋平,他的作品有京都四季酒店的「鮨和魂」、澳門、天津及馬來西亞Ritz-Carlton的餐廳、富邦豐泰PREMIA等。

由酒店入口、大堂、位於三樓的餐廳和酒吧 NAMIKI667 ,已經是一個又一個亮點。房間方面,我入住的只是酒店的入門客房,已經有470呎大,放了King size大床(三邊落床),還有梳化位置,而最特別的是,赤尾洋平將房間大部分功能性的東西集合在中央的Island,包括「隱藏了的洗手盤」,空間感強之餘又夠玩味。

晚上回到酒店,當然要到有型的 NAMIKI667飲杯酒先,這個630 平米的空間,樓底超高,提供以東京各地當造的食物為主題,客人可以圍坐在總長 7 米的吧台旁Chill一番。結束完美一天,可以回到舒服的房間睡覺好的了。

Park Hotel Tokyo

東京花園酒店Park Hotel Tokyo,一間位於汐留的藝術酒店,步行去到新橋JR站、百合海鷗YURIKAMOME(可搭去台場、豊洲) ,由酒店行到車站都係8至10分鐘(沿途幾個連住的商場,買和吃都不用擔心)。甫進位於25樓的空中酒店大堂,超高樓底(說穿了因為是直通上34樓頂層),空間感很強。有部分房間邀請了藝術家來設計,不同樓層也有藝術家的筆觸,好有型。我選的是Premium Twin Room,房間不小,而且景觀非常開揚(因為夠高)。我最喜歡的是全部沐浴、洗頭用品都是我最愛的THANN,好有SPA感覺。

東京花園酒店
港區東新橋1-7-1汐留Media Tower

+【香港出發】超低東京3日自由行機加酒HK$1,842起! (包括1間客房2位成人,2張機票, 稅項及附加費, HK$3,684.86一位起) 還有更多的選擇請按!

Expedia+ 預訂酒店或機票可獲會員積分及享有專屬優惠價格。 免費加入!