今次試住新酒店,「西新宿大和 ROYNET酒店」。其實,西新宿是一個進可攻退可守的好地方,行去新宿站要15分鐘,不過不用擔心,Metro(地下鐵) 丸之內線其實搭一個站已經到「西新宿站」,由「西新宿站」行去酒店只係5分鐘。樓下就係便利店,行2分鐘就有不少食店,包括24小時的Danny’s。機場可以搭利木津巴士到「新宿東京Hilton」落,行5分鐘到,都好方便。

流動裝置折扣券代碼 (「優惠券」): 15APP 折扣券代碼使用細則請按

講返酒店,今年2月先開,房間真係唔錯,空間唔細(我住的是標準雙床房,拍埋兩張床仲大過King Size Bed,爽),浴室有企缸位又有埋浴缸,行到攰,買浴鹽返酒店浸下一流。另外,5樓、10樓有投幣洗衣乾衣房,我今次住5樓,門口就係Coin Laundry,感動! 對於我一去去半個月至1個月的旅人,無可能帶30日衫替換,「洗衣日常」是必須的。

酒店自助早餐,食物選擇當然唔似五星級大酒店的豐富,但質素都相當唔錯,每日有不同的是日生果鮮打Smoothie,今日係「牛油果洋梨Smoothie」! 好好飲呀!!! 是日烤魚更係江戶時代1863年創業的老舖「山安」,用日本古老製法,天然日曬塩製,特別有風味。如果Package冇包早餐,付費2160YEN即可。

順帶一提,房間不設飲品Mini-bar,不過可以在前檯拿茶包及咖啡包,都是高級的,茶包是大吉嶺,我好鍾意飲茶,呢個好飲! 咖啡亦唔係即沖貨色,滴漏套裝包,分Mild Taste及Bitter Taste亦幾好飲。

特別鳴謝﹕Expedia
#Expedia #ExpediaHK

https://bit.ly/2JTdtsR

西新宿大和 ROYNET 酒店
東京都新宿区西新宿6丁目12-39

+【香港出發】超低東京3日2夜自由行機加酒HK$3,810.61起! (包括1間客房2位成人,2張機票, 稅項及附加費, HK$1,905一位起) 還有更多的選擇請按!

Expedia+ 預訂酒店或機票可獲會員積分及享有專屬優惠價格。 免費加入!