繼2017年帶了父母去泰國自由行,事隔一年,剛剛在8月底我又一拖二帶埋阿媽同老豆一齊去旅行喇!今次嘅目的地係台灣花蓮,一個集合靈山秀水同綠野園林嘅好地方,好適合帶父母去走動下,好好養生。

我地搭香港快運由香港直飛花蓮只係2個鐘頭,好遺憾快運黎緊就要取消呢條直飛航線,不過好彩由台北車站搭火車去花蓮都係2個零鐘左右啫。

五日四夜的行程如下:
Day 1 : 香港–>花蓮–>前往太魯閣,入住酒店。 (住宿:太魯閣晶英酒店)
Day 2: 上午在酒店休息,下午參加太魯閣半日團,晚上欣賞酒店原住民歌舞表演 (住宿:太魯閣晶英酒店)
Day 3:上午參加太魯閣半日團,下午包車遊 [太魯閣晶英酒店-七星潭-055龍蝦海鮮餐廳(午餐)-親不知子海上古道-石梯坪 (住宿:瑞穂山下的厝溫泉民宿)]
Day 4 : 包車遊山線(花東縱谷線):瑞穗山下的厝溫泉民宿-瑞穗牧場-紅瓦屋老地方文化美食餐廳(午餐) – 光復糖廠-雲山水-立川漁場- 花蓮市中心酒店-東大門觀光夜市 (住宿:瑞穗山下的厝溫泉民宿)
Day 5 : 花蓮A-zone文化創意產業園區 -花蓮–>香港

我地入住嘅酒店位於太魯閣國家公園深處嘅天祥地區,
酒店依靠秀麗山色而建 曾經係招待兩蔣等中外元首嘅飯店,
如今打造為現代中國風嘅山中行館 豪華舒適之餘仍保留住與大地共生共存嘅設計風格。

黎得咁靚嘅國家公園梗係要出去行下
酒店就有半日團帶住客遊覽太魯閣景點

第一站係太魯閣地標 : 牌樓

太魯閣早喺1956年興建東西橫貫公路
是台灣第一條串聯東部與西部的公路系統
試想像當年工人要喺原始岩石中間開鑿公路絕對唔容易
而入口呢個牌樓就成為左地標影相位



第二個景點 清水斷崖

清水斷崖堪稱台灣八景之一 ,主要係因為地殻板塊變動同海蝕作用形成「崖高谷深」的海岸斷崖。由觀景台望出去見倒海浪拍打陡峭嘅崖壁,天氣好嘅話應該會係好靚嘅山海美景。
我地就離遠望一望影張相,去個廁所就上番車。

太魯閣入面有唔同嘅行山步道,有唔少仲係高難度嘅古道。
不過酒店揀得嘅步道都係老少咸宜 - -砂卡礑步道。

沿住步道行,沿途就係一邊岩壁一邊綠水嘅景觀,
砂卡礑溪溪床上鋪滿大大小小的壘石,山谷溪水清澈湛藍,
一路行一路聽住聽著清脆嘅流水聲,難怪有台灣最美步道之稱。

步道全長約四公里,以我地慢步嘅速度用左一個鐘只係行左三分一就沿路折返 。
因為落雨我地下半身可以話完全濕曬,完成半日團最後一個景點梗係即刻返酒店吹乾對鞋先啦!

幸好第二天的半日團天朗氣清,團友嘅心情都有活力啲!第一個景點係長春祠 一座嵌入山壁同瀑布之間嘅祠堂,好似武俠片入面啲建築物咁~

第三個景點 燕子口步道

燕子口步道石灰岩崖壁上的壺穴,並唔係燕子鑿出來嘅燕子窩,
而是地下水出口和立霧溪水侵蝕而成,間中會有燕子飛過嬉戲,因而得名。
步道穿過山洞,因光暗陰影而形成唔同嘅圖案 ,眼利嘅觀眾睇唔睇得出呢度有豬仔圖案呢~

上午團最後一個景點就係慈母橋,基本上就係懸崖上嘅一條吊橋,行嘅時候仲有搖下搖下!

太魯閣入面無咩餐飲選擇,基本上我地一日三餐都係酒店入面解決,
酒店有自助餐同中菜廳兩間餐廳,我地每晚各試一間。

中菜廳

酒店每晚仲有原住民歌舞表演,
同阿媽聽下歌仔都係幾好嘅晚間節目,
表演中段仲會邀請觀眾一齊跳埋一份~

呢間酒店真係好適合帶埋父母來呢度住番三日兩夜。

_______________________

太魯閣晶英酒店:https://bit.ly/2xJJhIV

+【香港出發】2位成人花蓮自由行機票+酒店低至4折優惠! https://bit.ly/2xFMzwS

首選花蓮酒店優惠HK$142每晚起! https://bit.ly/2N1lfOw
特價花蓮機票連稅由HK$1,031起! https://bit.ly/2NH4LQJ

行程支持 : Expedia hk

Expedia+ 預訂酒店或機票可獲會員積分及享有專屬優惠價格。 免費加入!